sexta-feira, 28 de setembro de 2007

AS SOPAS DA SEGADA - SENDIM

LAS SOPAS DE LA SEGADA - SENDIN

Este fui l momento mais lindo de la representacion.
Quando las ties chégan a casa cun ls restos de l'almuôrço de la segada, ls garoticos cúrren para las panelas i cómen las sopas que subrórun. Sabe-le a almendras.



Quien nun queda ancantado cun un retrato destes?
Mirai l que perdistes al nun benir a ber, mas inda bien que you guardei todo para poner eiqui.
Cuido que este retrato chega para esta mensage.

domingo, 23 de setembro de 2007

A SEGADA - SENDIM

LA SEGA - SENDIN

La sega antes era ua fiesta, era quando se recolhie l fruito de muitos dies de canseira. I antes, nun comer pan era passar fame i tener pan era tener fartura.
Serie anteressante screbir subre la sega, mas cuntar todo zde de ls trabalhos a las ferramiêntas, zde las cantias a ls usos. Mas nun ye desso que bamos a tratar hoije.
Tenemos que acabar l museu bibo que se fizo an Sendin i que quiero que eiqui quede cumo documento se nó, inda ban a dezir que nada se fizo.


La rapaza fizo bien de quando se porparaban las cousas para ir a lhebar las sopas

La fouce i ls dedales, l bardeiro, l grano i l saco...


Este quedou squecido, era l ferreiro, yá nun staba cun la roupa, mas tenie que l poner



sábado, 22 de setembro de 2007

A VIDA NO CAMPO - SENDIM

LA BIDA NE L CAMPO - SENDIN

Nun ye fácele la bida dua tie na lida de to ls dies. Tratar de la huorta, de ls filhos i muitas bezes inda ten que gobernar la casa.
La garotica que fizo esta representacion parece mesmo ua tie, naide diç que nun ye ua tie de berdade.
Mas la bida ye mesmo dura i lhougo de nuobas las garotas ajúdan las mais.
Hai por ende ls que to ls dies fálan de sploracion anfantil, mas muitas bezes nin sáben l que ye esso. Ajudar na lida de la casa ye ua birtude que las garotas de Sendin inda tenen.



Que tie tan linda i tan preacupada cun la bida

L arrolhador, l tenedor, l ranacalho....


L ferrador




sexta-feira, 21 de setembro de 2007

A AGRICULTURA HÁ 50 ANOS - SENDIM

LA LHABOURA HAI 50 ANHOS - SENDIN

Para bien antender i melhor quedar a saber l que este "post" quier mostrar, teneis que ber todos ls outros antes deste.
Nun era fácele poner ls retratos todos i cuido que ye melhor poner trés to ls dies.
Fui ua representacion mui linda i la sposiçon tamien.




L sitio de la lhaboura

La lhabradora junto de ls fruitos de l campo i de ls cestos

Stamos na bendímia, i por cierto la lhabradora stará a pensar que este anho nun ten ubas, nin para fazer un pipote. Mas pacência, tenemos que aceitar l que Dius mos dá.

L sitio de l ferrador

Manhana tenemos mais.....




quinta-feira, 20 de setembro de 2007

ETNOGRAFIA - SENDIM

ETNOGRAFIE - SENDIN

Ls traijes son lindos mas las caras inda mais. Se esto nun ye ua berdadeira liçon de stória, antón yá nun sei l que ye dar scuola.
Quien nun puode ir a ber ten eiqui ua pequenha amostra.


La filadeira


La panadeira

Quando la panadeira metie l pan ne l forno dezie esta ouraçon fazendo cruzes na boca de l forno:
Santa Bárbara te acrescente,
San Juan te fága bun pan,
Santa Marina te ponga sina.
Hai muitas mais ouraçones mas esta fui la que se me lhembrou agora.

L sitio de la panadeira




quarta-feira, 19 de setembro de 2007

CULTURA E TRADIÇÃO - SENDIM

CULTURA I TRADIÇON - SENDIN

Ls pastores siempre criórun oubeilhas ne l praino zde que porqui hai giente.
L lheite fazie falta i cumo nun habie outa forma de l guardar fazien queiso.




La tie que faç l queiso


L sitio de l queiso


L pastor

- Ah! Pastor, dás-me de la merenda?
- Yá nun se me lhembra...
Tengo uas forfalhicas nel surron.
Pa la tarde buônas son.

terça-feira, 18 de setembro de 2007

TRADIÇÕES - SENDIM

TRADIÇONES - SENDIN

Las tradiçones ténen que ser coincidas de ls mais nuôbos i para esso ten que se fazer rebibir l passado, nó solo por grácia ou por que queda bien, mas para que se déien cuônta que las nuôssas raízes cuntinuan a dar-nos bida.



L carpinteiro


L sitio de l carpinteiro


Las cousas de la tecedeira i de la filadeira


Manhana cuntinuamos a mostrar la marabilha que ls garoticos de Sendin fazírun.

segunda-feira, 17 de setembro de 2007

AS ARTES E OFÍCIOS - SENDIM

LAS ARTES I OUFICIOS - SENDIN

Todos ls dies pongo ua representaçion i dous sitios de la sposiçon.



La tecedeira



L sitio de l ferreiro



L sitio de l sapateiro
Manhana cuntinuamos, mas ls que podíren bengan a ber que bal la pena.






domingo, 16 de setembro de 2007

EXPOSIÇÃO DE ARTES E OFÍCIOS - SENDIM

SPOSIÇON DE LAS ARTES I OUFICIOS - SENDIN

Ampeçou hoije la sposiçon de las artes i ouficios de l praino na Casa de la Cultura de Sendin.

Onte fui la representaçion por ls garoticos i garoticas de las scuolas.
Ourganizou todo Anabela Preto Nobre, cun l apoio de la Junta de Freguesie i de muita giente de l pobo de Sendin, que amprestou las cousas.
Las mais de ls garoticos i garoticas fúrun ancansables.
An Sendin ye mesmo assi, todo se faç quando ye sentido i querido por todos.



La representaçon de l sapateiro
Fui ua cousa mui linda i bal la pena ir a ber la sposiçon.

Cumo hai muitos que nun puôden ir a ber, eiqui bos quédan ls retratos.



L sitio de l cesteiro
Nun ls pongo todos hoije, mas manhana hai mais.




Este ye l sitio de l pastor