TRATE DA SAÚDE DAS SUAS PERNAS

 

CONSELHOS DE UMA FISIOTERAPEUTA E OSTEOPATA SENDINESA

Siga os conselhos da drª. Luísa Maria André Poço e verá como sente melhorar a circulação das suas pernas.
Diga não às pernas cansadas e inchadas!

PAULITEIROS DE CÉRCIO - 1934

ACTUAÇÃO EM LONDRES

 

1934

Porque pouca giente sabe desto ó nunca biu, ende queda para apreciardes bien cumo se portórun!

Mirai bien pals trajes i esto fui an 1934!


                        

G.D.SENDIN Bi-Campeon Çtrital de Futsal

Anfantis 2011/2012 i 2012/2013

 

 

Grande cunquista de l G.D.Sendin! Bi-Campeones Çtritales de Futsal Anfantil cun 100% de bitórias. Dois anhos seguidos a ganhar tols jogos! Parabienes als jogadores i als treinadores, porsor Nuno i Fernando Pires i als pais i a todos ls que ajudórun estes campeones!

Ne l derradeiro jogo ganhórun al G.D.Poiares por 13 - 2, un de ls candidatos al títalo l que amostra bien la catadorie de l Sendin.

PAULO MEIRINHOS

Paulo Meirinhos, (Miranda de l Douro, 1972), Musiqueiro i porsor de música, Lhicenciado an Eiducaçon Musical pula Scuola Superior de Eiducaçon – Anstituto Politécnico de l Porto. Frequentou l Cunserbatório de Música de l Porto adonde studou Guitarra Clássica.

Frequentou l curso de Doutoramiento an Música Mobimiento i Drama na Ounibersidade de Salamanca, Facultade de Stória i Geografie adonde treminou parte curricular de l curso.

Eiserce funçones de Téquenico Superior de Música ne l Munecípio de Miranda de l Douro adonde ten lhiebado a cabo ua série de porjetos ne l ámbito de la promoçon de la cultura mirandesa: ansino de strumientos musicales tradecionales (gaita de foles i percussones), danças mirandesas i derige l Coro Anfantil de Miranda de l Douro.

Dedica-se a la custruçon de bários strumientos musicales, cumo l rabel i de percusson, cumo l pandeiro mirandés, l qual dotou de nuobas possibelidades téquenicas.

... Depuis dun percurso por bárias bertentes de la música, atualmente dedica-se a la música tradecional de Trás-los-Montes cun special ancidéncia na Tierra de Miranda. Neste ámbito, fundou an 1996 l Grupo de Música Tradecional Galandun Galundaina i l'associaçon cultural cul miesmo nome.

Ten eiditado i colaborado an bários diçcos de recuolha de música tradecional, (Modas de Dúes Eigreijas 1989, Gueiteiros del Praino Mirandés 1999, L’alma 2000, Galandun Galundaina L purmeiro 2002, Galandun Galundaina Modas i Anzonas 2005, Galandun Galundaina Senhor Galandun 2010) i ourganizado bários eibentos que ténen por base la tradiçon de la Tierra de Miranda (Rezosa - Festibal de Cultura Mirandesa que se rializa zde 1989 i L Burro i l Gueiteiro que bai yá na 10ª eidiçon).

Ye Formador de l Cunseilho Científico-Pedagógico de la Formaçon Cuntínua nas seguintes árias i domínios: Eiducaçon Musical/Música, Spressones (Musical), Didáticas Specíficas (Música).

Lhecionou ne l Anstituto Piaget antre ls anhos de 2000 i 2005 adonde fui cordenador de l curso de Eiducaçon Musical i de Prática Pedagógica na Bariante de Eiducaçon Musical, i zampenhou bários cargos antre ls quales, de persidente de l Cunseilho Cunsultibo de la Direçon.

Cul grupo Galandun Galundaina de l qual ye musiqueiro zde la sue fundaçon, ten dado cuncertos ne ls percipales palcos i festibales de l paíç i ne l strangeiro (Spanha, Fráncia, Almanha, Bélgica, México, Cuba, Brasil, Malásia, Cabo Berde...).

SPORTING

O LEÃO JÁ RUGE

foto de Fernando Quevedo de Oliveira

LHAÇO DE L MIRANDUN

Chama-se an tierras de Miranda de l Douro, guerra de l Mirandun, a la guerra de ls siete anhos, an 1762, durante la guerra fantástica, esta cidade fui tomada pul general espanhol Marqués de Sarriá.

Hai críticos que supónen que l “laço de l mirandun” data de la guerra de la sucesson, sendo cumpuosto depuis de la batailha de Malplaquet na qual l Duque de Marlborough anfligiu la terrible derrota a la Fráncia. 

Na sue lhetra an francés, pul amprego arcaico d'alguas frases, tamien parece ser romance de l tiempo de las cruzadas;  Chateaubrian  oubiu cantar esta música als árabes de la Síria.

Outros dízen que tamien la cantórun ls mouros de Granada.

Eiqui ye cantada an mirandés.

.../...

Mirandum se fui a la guerra

Mirandum, Mirandum, Mirandela

Num sei quando benerá.

Se benerá por la Pásqua

Mirandum, Mirandum, Mirandela

Se por la trenidá

La trenidá se passa.

Mirandum, Mirandum, Mirandela

Mirandum num bene iá.

Chubirun se a ua torre

Mirandum, Mirandum, Mirandela

Para ber se lo abistaban yá.

Birun benir um paje

Mirandum, Mirandum, Mirandela

Que nobidades trairá.

Las nobidades que tráio

Mirandum, Mirandum, Mirandela

Bos ande fazer chorar yá

Tirai las quelores de gala

Mirandum, Mirandum, Mirandela

Ponei bestido de lhuito

Que Mirandum iá ié muorto

Mirandum, Mirandum, Mirandela

Iou bien lo bi anterrar

Antre quatro ouficiales

Mirandum, Mirandum, Mirandela

Que lo iban a lhebar.

STÓRIA  DE  L  CRUZEIRO DE SENDIN

 

 

A la punta de riba de las eiras, mais ó menos onde hoije ye la Caixa Agrícola, un bui, ne l tiempo de la trilha de meados de l sieclo XIX, por rezones que nun se sabe, scuornou l bisabó de Odete Fernandes i matou-lo.

Ls filhos; José Luís Falcão, Ana Falcão, Leopoldina Falcão i Maria Falcão, cuntratórun l mais afamado canteiro de l Praino, para fazer ua cruç ne l sitio adonde morriu l pai.

L cruzeiro tenie, onde hoije ten la cruç, ua berdadeira pieça de arte, cumpuosta por l Cristo i la eimage de Nuossa Senhora agarrada als pies de la cruç. Nun se sabe al cierto cumo se partiu essa parte. L que hai muitos anhos you cunsegui saber, fui que por trás de la casa que ye de la filha de Amélia Ferreira, an Camino Prado, se ancuntrában alguas partes, cumo la cabeça de l Cristo, ua mano i la eimage de Nuossa Senhora. Las outras partes dezíen que staríen ne l poço de la curralada dessa casa. Alredor de la queluna, ten sculpidos todos ls artimanhos usados para la cruceficaçon de Cristo. Bal la pena mirar para todo l que alhá ten sculpido.

Cumo l cruzeiro era ua berdadeira obra de arte, quando se celebrában ls cententenairos de la fundaçon i de la restouraçon de Pertual, an 1940,  l prejidente de la Câmara pediu a la famílha de ls duonhos de l cruzeiro para l deixáren poner onde stá hoije. Aníbal Fernandes que staba casado cun la filha de José Luis Falcão, todo fizo por esso.

L cruzeiro fui mudado i ponírun alhá l nome de quien l mandou fazer, nua placa de mármole.