HOIJE

HOIJE

HOIJE ye un sitio de l SAL (www.sendim.net) adonde todos ls dies se publica ua ambora an mirandés i cumpletou ne l die 8 las 600 amboras. Pongo eiqui la ambora númaro 600.

600 AMBORAS

L HOIJE cumpleta las 600 amboras i an pouco mais de anho i meio, tornou-se nua de las percipales refréncias de las amboras de Sendin i de ls alredores, l que fizo cun que l númaro de bejitas seia hoije de mais de 250 por die. A la antrada de la nuoba 600, las bejitas de l HOIJE sóman yá las 150 388.

La purmeira ambora

Mas nun son solo las amboras, son tamien ls retratos i l cuntributo para la léngua mirandesa, respeitando la purmeira adenda a la cumbençon, que bino a salbaguardar l sendinés i a tornar l mirandés mais rico.

L HOIJE

Nestas 600 amboras muito se falou de las tradiçones, de ls usos, de ls questumes, de l folclore, de la bida i de las pessonas. Puso-se muita giente a ler todos ls dies l mirandés i houbo muita giente que eiqui ampeçou a gustar de la léngua mirandesa.

SENDIN

Bamos a cuntinar i cada beç a ser mais anterbentibos, para defender Sendin i alredores, la sue giente i la sue cultura i mostrar als outros que eiqui hai siempre alguien que mos ajuda a lembrar la nuossa querida tierra, adonde tenemos las raízes.

abiso: este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.

AMBORAS DE SENDIN

UA MONEDA DE PRATA EIBÉRICA AN SENDIN

Un die fui a besitar ua eirmita acerca de Fariza, an Spanha, de l’outro lhado del riu Douro, delantre de Bilachana, i quedei admirado. La fiesta que fázen alhá, cháman-le la fiesta de ls Biriatos.

Muitos outores dízen que Biriato andubo pur estes lhados. Ten ua Státua an Çamora. Cierto ou nó, l que se puode dezir ye que giente amportante, de l sou tiempo, porqui passou. Se nó, cumo se splica que ne l termo de Sendin se ancuntrára ua moneda eibérica de prata?

.

La stória bai-se fazendo als poucos, i a las bezes, tenemos que ancontrar decumientos i saber lhonas, ó tradiçones, que fágan la lhiaçon para tirar cunclusones.
Dar-las a coincer ye un ampercípio para quien querga studar bien l assunto.
Pus quedai a saber, que ye cierto, que esto ye berdade. La tradiçón eijiste e la moneda tamien.(1)

L Pe. Mourinho tenie anformaçones de que se trataba de un denário eibérico, argentum Oscense.

.
(1)-Ber <<>> Tomo IX, pag. 477, por Francisco Manuel Alves.

CITAÇÃO DO DIA

CITAÇON DEL DIE

Cumo houmenage a ua de las pessonas que mais fazírun para que tubíssemos la Cumbençon, bou poner l que eilha screbiu a perpósito de la nuossa lhéngua:

Hai lhénguas que son de muitos, i hai lhénguas que poucos úsan.
Há línguas que são de muitos, e há línguas que poucos utilizam.

A língua é laço, união, presença no mundo. Há línguas que tendem a unir o mundo todo e há línguas que unem apenas meia dúzia de sobreviventes. Falar é defender a vida de uma comunidade, seja ela pequena ou grande. E quanto mais pequena, quanto mais diminuída, mais necessidade tem de se unir para sobreviver. Mais precisa de marcar a sua presença.

Falar é poder.

E o poder de uma fala é a medida do seu poder no mundo. Quanto mais poder tem, maior é o número daqueles que têm de a aprender para saberem como funciona o mundo em que se movem. Os que falam línguas pequenas têm todo o interesse em aprender e em conhecer profundamente as línguas maiores com que convivem. Mas têm também todo o interesse em refugiar-se, quando precisam, no reduto da sua própria língua, que os mais poderosos não sabem e até desdenham.

Para as pequenas comunidades, a sua capacidade de manter a língua própria é a medida da sua capacidade de resistir à massificação. É, no fim de contas, a demonstração de que pode sobreviver enquanto comunidade específica.

O tamanho de uma língua mede-se pelo número dos seus falantes. De grande tamanho é a língua que muita gente conhece e língua pequena é uma língua com poucos utilizadores. Mas o tamanho de uma língua não é o mesmo que a sua grandeza. A grandeza da língua está noutro plano.

(Manuela Barros Ferreira)

CITAÇÃO DO DIA

CITAÇON DEL DIE

... muitos cúidan que la coerença dua bida stá an nunca demudar, an seguir siempre l mesmo rumo inda que steia arrado, mas esso nun puode ser berdade: la coerença stá na capacidade houmilde para apanhar ls cachos i torná-los a colar, todas las bezes que seia perciso, acraditando que la peinha dende resultante será cada beç mais dura, i tamien cada beç mais guapa: mas di(g)o-bos l you que dá un trabalho de mil demonhos; ...

http://fracisconiebro.wordpress.com/

SENDIM

SENDIM

Se tubires l coraçon puro,
Einergie nun te faltará.
Nin que l’anho benga duro,
De nada l balebará.
Indas que delantre te ponga un muro,
Muita salude, amor i paç te quedará.

O BOIEIRO

L BOIEIRO

D’atrás habie na maiorie de las casas de l Praino, un moço que iba mais bezes que ls outros, cun las baças pal cerrado ou cun l tagalho d’oubeilhas, era l boieiro. Mas ne l tiempo de cebar ls recos, a las bezes mandában-lo a yerbas para l cochino, puls prados i puls caminos, cun ua faca bielha i ua cesta. Habie que cebar l reco para que fusse al talho, quier dezir, para que chegasse a la matancia que era ne l més de Dezembre. Habie quien matasse ne l més de Nobembre, mas ne l giral era an Dezembre. Cumo l santo que guarda ls animales de côrte i ls de l campo, ye San Sabastian, an Sendin, al passar por la capielha del, costumbrában cantar ua curtia ouraçon que you bou a screbir tal qual la screbiu l Pe. Mourinho, an Sendinés:

Sã Sabastiã!..
Dá-me del pâ!..
You bâo a eirbas
Pal tâo cutchinôikho
Apúis ã l matando,
Dás-me del rabôikho.

O DIA DE SANTA MARINHA

DIE DE SANTA MARINA

Ne l die 18 de Julio ye die de Santa Marina i dezien ls antigos que a partir deste die las binhas yá nun se queimában, nin las ubas tenien perjuizo.

Ua binha ne l die 18

Habie ua quadra que inda hoije la giente diç al chegar esse die:

L die de Santa Marina,
Bai a ber la tue binha;
Tal la bires,
Tal será la bindímia!...

Ua cepa cun ubas

Fui a ber la binha i parece que ten buonas ubas. Yá nun bai a faltar ua pinga buona.