La feira dels grazes ye la feira d’anho an Sendin. Era ne l die 30 de Outubre, mas d’agora alantre passa a ser ne l último fin de semana de Outubre.
La feiraQuando l die stá buono ye ua de las maiores feira de l Praino. Bende-se de todo i cumo ye l fin de las colheitas nun fáltan cumpradores nin produtos de toda la naturaleza.
Ls produtos de la tierra – 1
Ls produtos de la tierra - 2Ls lhabradores aprobéitan para cumprar las ferramientas que se gastórun i ls apetrexos nuobos que aparécen i l ban a fazer falta ou le ban a tornar l trabalho mais lebe.
Las ferramientasCumo stamos na raia cun Spanha, bénen muitos spanholes a cunprar tamien i nun fáltan roupas i çamarras para l ambierno.
Las roupasAntes esta era ua feira de animales onde toda la giente del praino benie a cumprar ou a bender las burras i las mulas. Hoije y ela feira dels tratores e dels carros.
Ls tratores
5 comentários:
You nun sabie dessa feira, yê cum la Lhuç anton.
Aposte qu'al miu abo de Cicuiro tamien irie a essa feira ya qu'el éra negociante... Chamaba-se Manuel Brissimo.
You inda coinci a tou abó.Cuido que serie l que you penso. Mas a esta feira benie giente de todo l praino.
Mie mai de moça iba a bender pan para la raia i nós teniemos muitos coincidos i quando ampeçou la politica an 1975 i 76 you era mui coincido an toda la raia.
Tengo muita giente amiga, mas muitos dels nuobos yá nun me coiecen. Fui para la Ounibersidade an 92 para poder saber mais un pouco i para poder tener ua spada cumo ls outros.
Mas fiç la ounibersidade sin faltar a ua aula i siempre iba cun ls nuobos a las aulas.
si ele éra mui coincido. Anté la giente que me bei, nun me coinece mas sabe de quien sou :-)
I erades coincido purquei ?
Lougo apuis que se dou l 25 de Abril, you fiç un projeto que fui para l Cunseilho de la Europa i ampeçei a trabalhar cun l Menistério de la Cultura i dinamizei ls pauliteiros i las associaçones de todo l cunceilho.
Fiç l prumeiro festibal de pauliteiros ne l praino. Fui ne l Nazo cun 8 grupos.
Yá staba todo parado. Nun fúrun, cumo dízen, las câmaras que ampeçorun.
Apuis naciu l projeto cultural i a seguir la eiducaçon de adultos. Fui Miranda la prumeira an Pertual a ampeçar.
Apuis ls politicos tomórun cuonta de todo.
Mas las associaçones de quaisque todas las aldés fui you que las ajudei a fazer.
Tenie un moço ou moça an cada aldé a trabalhar.
An Cicuiro tamien tenie un.
You nunca fui muito de me deixar amansar i quando começórun a meter partidos sali.
Fiç mal, mas eilhes sáben bien i ye por esso que you nun me calho.
Nin l museu fui cumo dízen.
Solo hai aldrabices.
You fui l prumeiro a ganhar eileiçones por l PS an Miranda.
Cicuiro era CDS, mas you daba-me bien cun todos, fui por l PS porque ls outros querien pessonas amportantes. You era nuobo, mas ganhei an Sendin. Ye por esso que Sendin cuntinua PS.
Mas you sou contra partidos que fázen cumo ls clubes de la bola.
Fanáticos e solo pénsan an ganhar i nada para la giente.
Mas ten-me custado muito, tube que ir a studar de bielho para la Ounibersidade para ls calhar.
Nun fui a tirar un curso desses de un ou dous anhos, fui 5 anhos i cun ls nuobos.
Sculpa, yá screbi demais.
Gustei de bos ler.You de pulitica nun sei nada !
Tamien acho que nin quiêro saber, mas talbeç un die tenerei de passar pur'ende.
Fazeis un miu bun trabalho. Acho que miu abo tamien andou ha fazer cousas pa l'associaçon cultural de Cicuiro.
Cuntinuai, Thierry.
Enviar um comentário