Ls ouficios ye ua dança de ls pouliteiros mui anteressante i quando bien dançada inda mais.
Nas sues quatro posiçones mostra ls percipales ouficios que, datrás, éran de ls mais amportantes: ferreiro, carpinteiro, barbeiro i ferrador. Mas habie outros que tamien éran tanto ou mais amportantes cumo: sapateiro, albardeiro, lhabrador…
Hoije bou a mostrar-bos un desses ouficios, que inda hai por estes lados.
La giente que se ajunta a berCumo tenemos la Associaçon (AEPGA) de persebraçon de ls burros i yá son muitos, fazie falta un ferrador para tratar de ls cascos de ls burros. Ye siempre mais un amprego i un ouficio que se perserba. Fui a ber l ferrador a trabalhar i cuido que ye anterressante mostrar ls retratos.
A raspar ls cascosMas por aqueilho que puode saber, inda hai outro, que até bai por ls pobos a onde inda ye perciso, cumo datrás fazien ls bielhos ferradores de Sendin.
Cumo yá bos mostrei, ne l HOIJE - http://www.sendin.net/ -, l die 12 de Dezembre, tenemos an Sendin cabalhos i pista para daprender a andar a cabalho. L ancargado de ls cabalhos tamien faç de ferrador.
Cumo yá bos mostrei, ne l HOIJE - http://www.sendin.net/ -, l die 12 de Dezembre, tenemos an Sendin cabalhos i pista para daprender a andar a cabalho. L ancargado de ls cabalhos tamien faç de ferrador.
L ferrador a arrincar ls crabosLs cabalhos i ls burros ténen que ser ferrados para nun se feríren nas patas i las ferraduras son presas als cascos cun crabos, que hai que mudar de beç na quando.
Muita giente trai ls filhos a ber, de quaije toda la Ouropa i muitos de ls nuossos eimigrantes, nin sáben que eisisten estas cousas.
Muita giente trai ls filhos a ber, de quaije toda la Ouropa i muitos de ls nuossos eimigrantes, nin sáben que eisisten estas cousas.
4 comentários:
PATRIMÓNIO ORAL E IMATERIAL DAS TERRAS DE MIRANDA...
Esta pode ser a nossa próxima luta?
Mais em http://agarramestespalos.blogspot.com
Ten que ser.
Este blog queda yá a la buossa desposiçon.
tdnlqaAmpeço l miu comentairo cuncordado cula redadeiras palabras que ancérran l testo "muitos filhos de ls nuossos eimigrantes nien sáben que estas cousas eisísten"
Como ye bien berdade, i l porblema que se pon ye, mesmo que la bida deilhes hoije nun steia lhiada a estas porfissones, se çcoinhécen estas cousas nun las póden lhebar para muito loije ne l tiempo.
Mas la berdade ye queilhas stubírun lhigadas als nuossos percípios, solo esso bundarie para que nun se muórran.
Ls amigos de l mirandés aparécen siempre por onde hai uas réstias del.
Ye cumo dantes, quando íbamos a rebusco de las spigas por ls restolhos, para botar a las pitas.
Ye cumo ir a carniçuolos.
Gustei de te ber porqui.
Quanto a isso de ls oufícios, ye bien berdade l que dizes, mas por estes lhados inda se ban mantenendo alguns i era anteressante traer ls filhos i nietos a ber.
Un abraço
Almendra
Enviar um comentário